سرى اللِّيل و طلع الفجر و العين ما غفت
شمس(ن) نوَّرت الدنيا لكن القلب مظَلوم
كانه المشتاق ولَّا اللِّي همُومه استفحلت
البشر تنام و هو اللِّي من النُّوم محروم
روح(ن) ما غير بعذب القصايد استنجدت
كل يوم بقصه و ما بين بوح(ن) و الكتُوم
ليتها بفايده .. كتبناها و مع الذكرى تعلَّقت
لا وصلت للي نبي .. و لا قراها للعلُوم
القصيده من الشُّوق اللِّي سيُوفه قتلت
ولا راحم(ن) للشُّوق و الله فوقه رحُوم
هو بشر ! لكن ملك ! و يا عقُول فهمت
يخطي دايم .. لكن الخطا عنه معصُوم !
يعني خطا لكن بالغلا .. كفِّته رجحت
يعني بالطِّيب او بالخطا حبه بيدُوم
و الحب كلَّه مذلَّه و الأحوال تبهذلت
لا الحياة الهنيَّة .. ولا تعيش محشُوم
قلم : سحر صوان
ليست هناك تعليقات:
إرسال تعليق