دام الحكي ما عاد ينفعك و يرضيك
بدخل دروب الغزل و اكتب لك قصيده
تحكي عن قلب(ن) يحبِّك و يغليك
تسمِّيت له نبضه و تسمِّيت بوريده
لو تقطع و تجفى .. ما يقوى يجافيك
و ان وصلت .. يا فرحته بلحظه سعيده
علامك .. ما تدري هالقلب هاويك
ولَّا على بالك بالتِّغلي حبِّي تبيده
انت تتغلَّى و تخطي و أبقى ابيك
و انت الوحيد اللِّي جفاه يزيد برصيده
تغلط و اعتذر .. و ليت اقوى اخلِّيك
أو أخفف النَّار اللِّي بقلبي وقيده
أحبك و أعشقك .. و كلٍّي يفديك
يا زين من مثلي و وش اللِّي بإيده
وان كان الوصال مقطوع .. ببقى أغلِّيك
و اخط لك قصايد ما بها من نقيده
ليتهاو اللِّي تشيل من خاطري فيك
و ليتني اللِّي ما بقلبه حب(ن) يقيده
يا دروب الغزل لو ما شكيتيني أشكيك
حب(ن) جرِّني لمواطي بعيده
لا قيس(ن) وطاها و لا عنتر مواطيك
بالغلط دسته و ما قصدي أريده
دام الحكي ما ينفعك و ما عاد يرضيك
على دروب الغزل انسج لك احلا قصيده
قلم : سحر صوان
ليست هناك تعليقات:
إرسال تعليق