البارحـه الذِّكـرى تحـط بالقلب و تشـيـل
و يشهـد الله صـورتك ما فارقتنـي ثواني
طَـرَت لـي ضحكـتك يالصُّـوت الجمـيـل
ضحـكة(ن) ليا ضحكت .. تطرب أذاني
البارحـه تمـنِّيـت لك من خـلـق الله بديـل
لكـن يـا بـري قلب(ن) غيـرك مـا يداني
مـا أقـوى مـن فـراق الخـليـل إلا الخليـل
راحـت أيـام(ن) كـانت تشُـوفـك أعيـاني
بخـاطـري ضيقه .. و دمعتي عيَّت تسيل
الشَّـكوى لله .. حـتى الكـلام ذاب بلسـاني
يالغـالي قُـولـي مـن بعـدك يشـفـي الغليـل
مـن هـو بنظـرته أنسـى النَّاس و أنساني
و عيُونـه سُود(ن) أسوَد من سـواد اللِّـيل
بديع خلـق الله ينزح القمر و يقول مكاني
اشتـقـت لك والله .. و شُـوقـي مسـتـحـيل
ما غير أطوي شوقي بقصيدي والأغاني
المشكـله بالوَصـل .. دامـه بايـد البخـيـل
يطـول الغيـاب .. و أنـا البـعـد أشـقـااني
و أنــا والله للشـقــى مـا بـقـى لـي حـيـل
بس انت حبيتـك ولا أبي واحد(ن) ثاني
كـل مـا أذكـر غـرام(ن) خـلَّانــي قـتيـل
احـن لك و أنـا أدري مـا جـاك ما جاني
قلم / سحر صوان
ليست هناك تعليقات:
إرسال تعليق