قصيده : ساكن(ن) فيني

كيف تطلب أنساك و انت ساكن(ن) فيني

انا ماني قليل أصل و أنسى خل(ن) هويته

ولو ما هويتني و ما كان يهمك حزني و انيني

انا قلبي هاويك و هذا قلبي بيتك اذا جيته

ياللِّي فرشت لك رمشي و سميتك نظر عيني

محد (ن) له بقلبي غلا .. لغيرك والله لفيته

كلمه من شفاتك تكفيني و زياده ترويني

ياللِّي عطيتك حب محد(ن) سبق و عطيته

قبل لقياك كنت الفرحه الناقصة بسنيني

كأنك فرح(ن) و بأحلا صدفه لقيته

ياللِّي سامح(ن) لك تجرح بليَّا طعون سكيني

من بد البشر و الخلق الوحيد اللِّي تمنِّيته

لا أقبلت صوبي يفزِّ لك قلبي مقطِّع شراييني

ما عمر قلبي عصاني و هالمره انا ما عصيته

ياللِّي من كاس السعاده مرَّات تسقيني

و من كاس الوجع ارتوى قلبي كثر ما سقيته

يا كثر ما استحملك..و يا كثر ما تخطِّيني

لو الشَّغله بيدِّي صدِّقني هالوضع ما رضيته

لكن لي قلب(ن) بالهوى يحب يعنِّيني

كل ما أبي أخفف غلاه ألاقيني عزِّيته

و اذا سرحت و أحد(ن) يناديني انا ويني

ألقى نفسي أتوه بسراب اللِّي حبِّيته

حشى هذا حب ! ولَّا عذاب(ن) يجازيني

بفعل(ن) فعلته أو بالماضي سوِّيته

انا اللِّي عزِّيت قدرك و بغيتك توافيني

هذا انا اوفي نفسي على اللِّي جنيته

صرت عذابي و فرحتي و الحلم اللِّي يحيني

و صرت قهري و بسمتي و اللِّي بقصيدي سمِّيته

لو أدري قصيدي بعشقي يواسيني

لاصبح لك شاعر(ن) و اصبح اللِّي بغيته

قلم : سحر صوان